नेप्से परिसूचकमा २४.६३ अंकको गिरावट

काठमाडौं । नेपाली शेयर बजारमा मंगलबार पनि गिरावट कायम रह्यो। नेपाल स्टक एक्सचेञ्ज (नेप्से) परिसूचक २४.६३ अंकले घटेर २६०८.३३ बिन्दुमा झरेको छ। आज ३६५ कम्पनीका ८७ लाख ३७ हजार कित्ता शेयर खरिद–बिक्री हुँदा ३ अर्ब २५ करोड ८७ लाख रुपैयाँ बराबरको कारोबार भएको नेप्सेले जनाएको छ।

कारोबार भएका सबै १३ उपसूचक ओरालो लागेका छन्। फाइनान्स समूह १ प्रतिशत र जलविद्युत् समूह १.४३ प्रतिशतले घट्दै बजारमा व्यापक दबाब देखिएको हो। यसदिन ३५ कम्पनीको शेयर मूल्य बढ्दा २३५ कम्पनीको मूल्य घटेको छ भने ५ कम्पनीको शेयर मूल्य स्थिर रहेको बताइएको छ।