त्रिबेणीमा निर्मित पौवा ट्रस कार्य अार्थिक अभाव, बन्द हडतालले अोझेलमा पर्दै ।

रबिन्द्र यादव / पौष ५ नवलपरासी । नवलपरासीको धार्मिक एवं पर्यटकीय स्थल त्रिबेणी धामको दाहसंस्कार घाटमा युवा संघ क्षेत्र नम्बर ६ को सहयोगमा निर्माण भइरहेको पौवा ट्रस कार्य बन्द हडताल अार्थिक अभावले अोझेलमा पर्दै गइरहेको युवा संघका क्षेत्रीय अध्यक्ष ज्ञान प्रसाद पाठक सन्तोषले स्विकार गर्नु भएको छ । पौवा ट्रस निर्माण कार्य यहि मंसिर १५ गते सम्म सम्पन्न हुने बताउदै अाएको युवा संघले अाज अार्थिक अभाव, बन्द हडतालले पौवा ट्रस निर्माण अधुरो भएको बहाना गर्दै पौष भित्र सम्पुर्ण कार्य सम्पन्न हुने दाबी गरेको छ । साथै युवा संघ क्षेत्रीयले दाहसंस्कार घाटमा सोलार बत्ती शौचालय तथा खानेपानीको ब्यवस्था समेत गरिने जनाएको छ । त्रिबेणी सुस्ता दाहसंस्कार घाटमा दिनहु भारतको बिहार उत्तर प्रदेश र नेपालको नवलपरासी, रुपन्देही, कपिलवस्तु, पाल्पा लगायतका ठाउँबाट १० देखि १५ शव जलाउनको लागि अाउने गरेको स्थानियले बताउँछन् । सो पौवा ट्रस निर्माणकार्य कुल अाठ लाखको लागतमा सम्पन्न हुने बताइएको छ । निर्माणकार्य सम्पन्न भएपछि मलामी अाउनेहरुले चर्को घाम र बर्षातमा पानी बाट बच्ने युवा संघले जनाएको छ । यसैगरी शवहरु पुर्ण रुपमा न जलाउदै मलामीहरु जाने गरेकाले शवको बाकी भाग अंग कुकुर स्यालले बजारमा लिएर अाउदा बजार नै प्रदुषित बन्दै गई रहेकोले त्रिबेणी बासीले गुनासो गर्नुको साथै बिद्धुतिय प्रणाली बाट शब जलाउने मेसिनको माग गरेका छन्न ।