अालु खेति बाट मनग्य अाम्दानी

विष्णु जोशि, व्युरो खवर,

बझाङको दहबगर गिरौँमा आलु खेतीबाट राम्रो आम्दानी हुन थालेपछि स्थानीय युवाहरु आकर्षित हुन थालेका छन् । केही बर्ष अघि सप्रोस नेपालले गाउँघरमा किसानहरुको साना–साना समुह बनाई घुम्तीकोष सञ्चालन गरी आलु खेतीको सुरुवात गरेको थियो ।

अरुले आलु खेती गरेको देखेर आम्दानीको राम्रो सम्भावना भएका कारण आलु खेतीमा लागेको स्थानीय युवाहरुको भनाइ छ । अहिले युवाहरु मिलेर गिरौँको १५ रोपनी जमिनमा आलु खेती गर्दै आएका छन् ।

आलु खेतीबाट नै बार्षिक डेढदेखि दुई लाखसम्म आम्दानी हुन थालेपछि विदेश जाने सोच त्यागेर आलु खेती तर्फ प्रेरित भएको स्थानीय युवा हरुले बताएका छन् । अहिले आलु खेतमै २५ रुपैयाँ प्रति किलोमा बिक्री हुने गरेको छ ।

कालंगा हाईड्रो पावर बन्ने भए पछि कामदारहरुको संख्या बढे संगै गाउँमै आलुको माग पनि बढेको अर्का युवा किसान अमर धामीले बताएका छन् । विषेश गरि वझागं को दह वगर आलु पाईने पर्खयात ठाउ हो ।