श्रीमान द्वारा अाफ्नै श्रीमतीको हत्या

विष्णु जोशी/व्युरो

खवर कञ्चनपुर सदरमुकाम महेन्द्रनगर नजिकैको गाउँ भगतपुरमा एक जना युवकले आफ्नै श्रीमतिको हत्या गरेका छन् । भगतपुरका ३५ वर्षिय किशोर चुनाराले गएराति ३० वर्षिया श्रीमति जयश्री चुनाराको हत्या गरेका हुन् ।

चुनाराले जयश्रीको मुख थुनेर हत्या गरेको हुनसक्ने प्रहरीले आशंका गरेको छ । जिल्ला प्रहरी कार्यालय कञ्चनपुरका प्रहरी निरीक्षक मोहन साउदले हत्याको कारण खुल्न नसकेको र घट्ना बारे अनुसन्धान अघि बढाइएको जानकारी दिएका छन् ।

उहाँका अनुसार श्रीमतिको हत्या गरेका चुनारालाई राति नै पक्राउ गरिएको छ । प्रहरीले जयश्रीको शव महाकाली अञ्चल अस्पतालमा पोष्टमार्टम गराएर आफन्तको जिम्मा लगाइसकेको छ