चर्चित मोडेल रिना थापा मगरलाई फिमेल मोडल एवम् नृत्य अवार्ड

तेस्रो सुन्दरादेवी सन्देश म्यूजिक अवार्डबाट चर्चित मोडेल रिना थापा मगर सम्मानित भएकी छन् । धादिङको ओम शान्ति चलचित्र मन्दिरमासंगीतका विभिन्न २१ विधाहरुमा प्रदान गरिएको अर्वाडमा लोकप्रिय नृत्याङ्गना समेत रहेकी थापा मगरले फिमेल मोडल एवम् नृत्य तर्फ सर्वोत्कृष्ट अवार्ड प्राप्त गरेकी हुन् ।

आधुनिक, तथा पराम्परागत नृत्यहरुमा समेत आफ्नो कला प्रस्तुत गरेर चर्चा कमाएकी थापा मगरले दर्जनौ गीतहरुमा अभियन गरेकी छन् । अवार्ड प्राप्त गरेपछि थापामगरले आगामी दिनमा समेत काम गर्न सहज भएको बेनीअनलाइनलाई बताईन् । ‘अवार्ड कलकारको गहना हो, मेहनतले प्राप्त गरेको अवार्ड अमुल्य हुन्छ’ उनले भनिन् ।

हाल विभिन्न गीतहरुको सुटिङमा ब्यस्त रहेकी थापा मगरले आगामी दिनमा समेत कला र संस्कृतिको जर्गेना गर्ने गीतसंगितमा सक्रिय हुने बताईन् । अवार्डबाट चर्चित गायक, गायिका, मोडेल, सर्जक, संगीतकार, रचनाकार, छायांकनकार, रेकडिस्ट, नृत्यकार लगाएतका रहेका छन् ।