यस कारण नेपालमा गुगल एप्लिकेशनस् जिमेल र यूट्युब ढिलो खुल्छन

काठमान्डाैं,

इन्टरनेट सेवा प्रदायक संघ नेपाल आइस्पानले विगत केही हप्ता देखि नेपालमा गुगल को यूट्युब, जिमेल लगायतका एप्लिकेसन्स हरु ढिलो खुल्ने गरेको बारेमा धेरै संख्यामा प्रयोगकर्ताहरुबाट गुनासाहरु प्राप्त भएको घटना प्रति गम्भीर ध्यानकार्षण भएको बताएकको छ ।

आइस्पानले जानकारी केन्द्रलाइ डटकम लाइ बताए अनुशार गुगल ले विगत ४ बर्ष देखि आफ्नो एप्लिकेसन्स (जस्तै जिमेल र यूट्युब को क्षमता सुधारका लागि नेपालको स्थानीय इनटरनेट सेवा प्रदायक कम्पनीहरुमा आफ्ना सरभर राखी रहेकाे छ ।

हाल गुगल ले गरेको निर्णय अनुसार नेपालको आई एस पि कम्पनीहरु सँग अलग भएर गुगल ले नेपालमा आफ्नै नयाँ सरभर राख्ने तयारी गरेको छ । गुगल को यस निर्णयको कारणले विगत ४ वर्ष देखि यहाँका कम्पनीहरुमा राखि रहेको सरभर लाई विगत केही महिना देखि गुगल ले स्तरउन्नोति गरेको छैन । यहि कारणले बढी प्रयोग हुने समय (वेलुका) मा सरभर हरुको क्षमता अपुग भई रहेको छ ।

इनटरनेट सेवा प्रदायक कम्पनीहरुले गुगल लाई बारम्बार गरेको अनुरोधका बाबजुद पनि स्तरउन्नोति हुन सकेको छैन भने अर्काे तर्फ गुगलले आफनो सरभर राख्न पनि ढिलाई गरी रहेको छ ।
जब सम्म गुगल ले आफनो सरभर को स्तरउन्नोति गर्दैन तब सम्म नेपालका इन्टरनेट प्रयोगकर्ताहरुले गुगल का एप्लिकेसन्स जिमेल ,यूट्युब आदि ढिलो खुल्ने अवस्थाको सामना गर्न बाध्य हुनेछन् । प्रयोगकर्ताहरुले भोग्नु परेको असुविधा प्रति क्षमा माग्दै इन्टरनेट सेवा प्रदायक संघ नेपाल आइस्पानले गुगलले तत्काल यो समस्याको समाधान गर्ने आशा व्यक्त गरेको छ ।