प्रदेश २ को सरकार परिवर्तन होला ? यस्तो छ भीत्री कुरा

जेठ १९, काठमाडौं | संघीय सरकारमा फोरमले स्थान लिएसंगै प्रदेश २ मा राजपा र फोरमको दुरी बढेको छ । यस संगै प्रदेश २ मा सरकार के हुन्छ भन्ने सबैको चासोको बिषय बनेको छ । अहिले प्रदेश २ मा संघीय समाजवादी फोरम र राष्ट्रिय जनता पार्टीको गठबन्धन सरकार भएकैले अब पुरानो गठबन्धनको सरकार के हुन्छ भन्नेमा आशंका पैदा भएको हो ।

त्यसोत केहि दिन अघि नेकपाले समेत प्रदेश २ को सरकारसँगको समर्थन फिर्ता लिईसकेको अवस्था छ । प्रदेश २ मा अहिले सबैभन्दा बलियो प्रतिपक्षको रुपमा नेकपा रहेकाले पनि मधेस गठबन्धन सरकारलाई अफ्ट्यारो छ, त्यसमा पनि फोरम केन्द्रीय सरकारमा आएको कारण प्रदेश २ मा नेकपाको प्रतिपक्षी स्थिति अझै बलियो बनेको छ । फोरम आफैले प्रदेश २ का मुख्यमन्त्रीलाई हटाउन चाहेको राजनीतिक वृत्तमा चर्चा चलेको बिषय छ । अहिले फोरमकै लालबाबु राउत प्रदेश २ मा मुख्यमन्त्री छन् ।

तर के पनि कुरा छ भने केन्द्र सरकारमा जे–जस्तो राजनीतिक परिवर्तन देखिए पनि वा फोरम सामेल भईसकेको भएपनि बिबिध कारण प्रदेश २ को सरकार परिवर्तन नहुने देखिएको छ । अहिलेसम्म फोरम र राजपाको समीकरणबाट प्रदेश २ मा सरकार बनेको छ । नेकपाले समर्थन फिर्ता लिएपछि अहिले प्रदेश २ मा फोरमका २९, राजपाका २५ र स्वतन्त्रका दुई गरी ५६ जना प्रदेश सभा सदस्यको समर्थन छ । यहाँ बहुमतका लागि ५४ सिट मात्र भए पुग्छ । जुन राजपा र फोरमको सिट बराबरको अनुपात हो । यदी राजपाले समर्थन फिर्ता लिएको खण्डमा प्रदेश २ मा नेकपाको समर्थनमा सरकार बन्छ । यहाँ नेकपाको ३१ सिट र फोरम २९ सिट जोड्दा ६० सिट सहितको सरकार बनाउन सक्छ । यहाँ राजपाले समर्थन नगरेको खण्डमा नेकपासँग मिलेर सरकार बनाउनुको बिकल्प छैन । किनकी यहाँ कांग्रेसको १९ सिट मात्र छ । त्यसो त राजपाको २५ सिट मात्र हुँदा नेकपा वा फोरमबाहेकसँग मिलेर सरकार बनाउने बिकल्प पनि छैन ।