यस कारण पक्राउ परे अाँकाजी सेर्पा -जानकारी केन्द्र

सामाजिक सञ्जालमार्फत् साम्प्रदायिक सदभावमा खलल पु्र्याउने सन्देश पोस्ट गरेको अारोपमा काठमाडौं महानगरपालिका–६ बौद्ध बस्ने सोलुखुम्वु गोराखानी–१ का ६० वर्षीय आङकाजी शेर्पालाई महानगरीय अपराध महाशाखाले काठमाडौं बौद्धबाट बुधबार पक्राउ गरेको नेपाल प्रहरीले जनाएको छ ।
कैलाली टिकापुरमा भदौ ७ गते भएको घटनासम्बन्धी १३ रहस्य भनि सामाजिक सञ्जाल फेसबुकको दुरुपयोग गरी सुरक्षा निकायहरुबीच फाटो ल्याउने तथा बिभित्र जातजाती, सम्प्रदायबीच सुमधुर सम्बन्धमा खलल पार्ने, बर्गीय, जातीय र क्षेत्रीयरुपमा घृणा, द्वेश, अपहेलना र सामाजिक सद्भाव बिथोल्ने नियत राखी अनर्गल, निराधार र अप्रमाणिक तथ्यहरुलाई सम्प्रेषण गरी समाजमा नकारात्मक प्रभाव पार्ने कार्यमा शेर्पा संलग्न रहेको महाशाखाले जनाएको छ ।
शेर्पालाई बिद्युतीय कारोवार ऐन अन्तर्गत मुद्दामा आबश्यक कारवाहीको लागि बिहिबार महाशाखाले महानगरीय प्रहरी परिसर काठमाडौं पठाएको छ ।
शेर्पा संघीय समाजवादी फोरम नेपालका केन्द्रीय सदस्य हुन