कोटेश्वरमा सवारी दुर्घटनाः ठक्करबाट एक युवतीको मृत्यु

जानकारी केन्द्र । कोटेश्वरमा मिनी ट्रकले मोटरसाइकललाई ठक्कर दिएपछि एक युवतीको मृत्यु भएको जनाइएको छ ।

आइतबार राति काठमाडौंको काँडाघारी बस्ने ३४ वर्षीय सम्झना राईले दुर्घटनामा ज्यान गुमाएकी हुन् । त्यस्तै, उनीको घर पाँचथरको मिक्लाजुङ गाउँपालिका(५ रहेको प्रहरीले जानकारी दिएको छ ।

मोटरसाइकललाई ठक्कर दिएपछि राई सख्त घाइते भएकी थिइन् । प्रहरीले महाराजगंजको त्रिवि शिक्षण अस्पतालमा उनको उपचारकै क्रममा राति मृत्यु भएको जनाएको छ ।

रातको पौने १० बजे कोटेश्वरदेखि जडीबुटी जाने क्रममा ना५ख २८१९ नम्बरको मिनी ट्रकले जडीबुटीतिरै गइरहेको बा७१प ३०५४ नम्बरको मोटरसाइकललाई ठक्कर दिएको प्रहरीले जनाएको छ । उक्त मिनी ट्रकका चालक हाल प्रहरी प्रभाग कोटेश्वरको नियन्त्रणमा छन् ।