नेपाल लाइफ इन्स्योरेन्सको शेयर संरचना परिमार्जन हुने

जानकारी केन्द्र । नेपाल लाइफ इन्स्योरेन्स कम्पनी लिमिटेडले संस्थापक र साधारण शेयर संरचना परिमार्जन गर्न लागेको छ ।

कम्पनीले संस्थापक र सर्वसाधारणको शेयर स्वामित्व परिमार्जन गर्दै ५१ः४९ कायम गर्ने जनाएको छ । कम्पनीमा हाल रहेको संस्थापक शेयरको हिस्सा ६० प्रतिशतदेखि ५१ प्रतिशत कायम गर्न लागिएको हो ।

उक्त कम्पनीको २१ औँ वार्षिक साधारण सभाले शेयर स्वामित्व परिमार्जनमा ५१ः४९ कायम गर्ने विशेष प्रस्ताव पारित गरेको थियो ।

यसैगरी, कम्पनीले सर्वसाधारण शेयरमा परिणत गर्न नचाहने र इच्छा नभएका संस्थापक शेयरधनीले सोही अनुसारको सोघोषणा गरी सूचना प्रकाशित भएको ७ दिनभित्र कम्पनीको कर्पोरेट कार्यालयमा आइपुग्ने गरी लिखित जानकारी पठाउन पनि आग्रह गरेको छ ।