शेयरबजारमा गयो पहिरो, आज कारोबार कति?

जानकारी केन्द्र । आज मंगलबार पनि शेयर बजार ओरालो लाग्दा नेप्से परिसूचक २ हजार विन्दुभन्दा तल झरेको छ ।

नेपाल स्टक एक्सचेञ्जका अनुसार आज शेयर कारोबार मापक नेप्से परिसूचक ३६.०७ अंकले घटेर १९९६.२६ विन्दुमा पुगेको छ । आज नेप्से १.७८ प्रतिशतले घटेको छ । साथै, सेन्सेटिभ परिसूचक पनि ६.४८ अंकले घटेर ३८३.५१ विन्दुमा रोकिएको छ ।

मंगलबार जम्मा २३२ कम्पनीको ४१ लाख ४७ हजार २ सय ५५ कित्ता शेयर खरिदबिक्री भई १ अर्ब १८ करोड ५५ लाख ४६ हजार १ सय ७९ रूपैयाँ बराबरको कारोबार भएको छ । कारोबार भएका कूल १३ उपसमूहमध्ये आज सबै उपसमूहको शेयर घटेको छ ।

आज सर्वाधिक कारोबार गर्नेमा शिवम् सिमेन्ट छ । कम्पनीको ४ करोड ६७ लाख १८ हजार रूपैयाँ बराबरको कारोबार भएको देखिएको छ ।

आज आँधिखोला लघुवित्त वित्तीय संस्था लिमिटेड सबैभन्दा धेरै नाफा कमाउन सफल भएको छ । उक्त संस्थाको शेयरमूल्य ८.१८ प्रतिशतले बढेर ४ सय ४८ रूपैयाँ ४० पैसा भएको छ ।

यसैगरी, हिमालयन पावर पार्टनर कम्पनी लिमिटेडको शेयरमूल्य सबैभन्दा धेरै ९.९९ प्रतिशतले घटेर ३ सय ४४ रूपैयाँ ३० पैसामा झरेको छ ।

शेयर लगानीकर्ताहरू पूँजी बजार विरोधीको विरूद्धमा विभिन्न मागसहित आन्दोलन गरि नै रहेका छन् । उनीहरुको माग सम्बोधन भएदेखि बजारमा हरियाली छाउने आंकलन गरिए तापनि हाल बजारको अवस्था धेरै नै कमजोर देखिन्छ ।