एन्जल्स एसइई कप बास्केटबल भोलिदेखि, पहिलो र दोस्रोलाई छात्रवृत्ति

काठमाडौं । शनिबारदेखि एन्जल्स हार्ट मावि-कलेजको संयुक्त आयोजनामा प्रथम एन्जल्स एसइई कप थ्री अन थ्री छात्र बास्केटबल प्रतियोगिता हुन लागेको छ ।

उक्त प्रतियोगितामा ६४ टिमले नकआउट आधारमा प्रतिस्पर्धा गर्ने एन्जल्स हार्टका प्रिन्सिपल धनबहादुर पुनले बताए । विजेताले १० हजार र उपविजेताले ७ हजार नगद पुरस्कार प्राप्त गर्नेछन् । त्यस्तै, सेमिफाइनलमा रोकिने टिमलाई पनि नगद पुरस्कार छ । साथै, पहिलो हुनेलाई १०० प्रतिशत र दोस्रोलाई ७५ प्रतिशत छात्रवृत्ति एन्जल्स हार्टमा प्रदान गरिने जनाइएको छ ।

दुई दिने प्रतियोगिताका खेलहरू मनमैजुस्थित एन्जल्स हार्ट स्कुल र एन्जल्स स्पोर्ट्स एकेडेमीको कोर्टमा खेलाइने जनाइएको छ ।एन्जल्स हार्ट एजुकेसन फाउन्डसेन प्रालिका अध्यक्ष लिलबहादुर पुनले सेमिफाइनलिस्ट र सहभागी टिमलाई पनि ३० प्रतिशत छात्रवृत्ति प्रदान गर्ने जानकारी दिए । प्रतियोगिता सञ्चालन गर्न करिब १ लाख ६ हजार रुपैयाँ खर्च हुनेछ ।