बोलेरोको ठक्करबाट मोटरसाईकलमा एकको मृत्यु

काठमाडौं । गोरखाको अजिरकोट गाउँपालिका वडा नम्बर ३ मा रहेको भच्चेक सडक खण्डमा सोमबार बिहान दुर्घटना हुँदा एक महिलाको घटनास्थलमै मृत्यु भएको छ ।

जिल्ला प्रहरी कार्यालय गोरखाका डिएसपी लिलाराज लामिछानेले दुर्घटनामा अजिरकोट गाउँपालिका वडा नम्बर २ वलाङ कि २३ वर्षीय मेलिना गुरुङको घटनास्थलमै मृत्यु भएको बताए । दुर्घटनामा मोटरसाईकल चालक ३५ वर्षका मनराज गुरुङ समान्य घाईते भएका छन् । उनको भच्चेक स्वास्थ्य चौकीमा उपचार भइरहेको छ ।

उनी बहिनीलाई मोटरसाईकलमा लिएर उपचारका लागि चितवन जाँदै थिए । भच्चेकबाट गोरखातर्फ आउँदै गरेको बा ०३ प ४८१५ नम्बरको मोटरसाईकललाई छोप्राकबाट भच्चेक जाँदै गरेको ग १ ज ४८८६ नम्बरको बोलेरो जिपले ठक्कर दिएको हो । डिएसपी लामिछानेले बोलेरो जिप र चालक प्रहरी नियन्त्रणमा रहेको बताए ।