बैंक अफ काठमाण्डु लिमिटेडले मेलम्ची खानेपानी आयोजनाको ग्यारेन्टी वापतको मुद्दा जित्यो

काठमाडौं। बैंक अफ काठमाण्डूले मेलम्ची खानेपानी आयोजनाको ग्यारेन्टी वापतको मुद्दा जितेको छ । मेलम्ची खानेपानी आयोजनाको ठेकेदार चाइना रेल्वेका लागि चाइना कन्स्ट्रक्सन बैंकको तर्फबाट काउन्टर ग्यारेन्टी प्राप्त गरी सो वापत मेलम्ची खानेपानी आयोजनाको नाममा अग्रिम भुक्तानी जमानत जारी गरेको यस बैंक अफ काठमाण्डू लिमिटेडले उक्त जमानतसम्बन्धी परेको भुक्तानी सम्बन्धी मुद्दा जितेको हो ।

मेलम्ची खानेपानी आयोजनाको ठेक्का पाएको चाइना रेल्वेका तर्फबाट ग्यारेन्टी बसेको चीनको बैंक चाइना कन्स्ट्रक्सन बैंकले बैंक अफ काठमाण्डू लिमिटेडलाई काउन्टर ग्यारेन्टी दिएको थियो । यो फैसलासंगै बैंकले काउन्टर ग्यारेन्टी वापतको मेलम्ची खानेपानी आयोजनालाई भुक्तानी गरिदिएको करिब ९० करोड नेपाली (६६.२५ लाख अमेरिकी डलर र १४.११ लाख यूरो) रकम फिर्ता पाउने भएको बैंकका प्रमुख कार्यकारी अधिकृत श्रवण मास्केले जानकारी दिएका छन् ।