आयल निगमले पेट्रोलियम पदार्थको मूल्य नघटाउने

काठमाडौं । नेपाल आयल निगमले पेट्रोलियम पदार्थको मूल्य समायोजन नगर्ने जनाएको छ ।

निगमले भारतबाट मूल्य घटेर आएपनि नाफा नरहेको भन्दै तत्काल मूल्य समायोजन नगर्ने भएको हो । निगमलाई पछिल्लो पटक इण्डियन आयल कर्पोरेसनबाट प्राप्त मूल्यसूची अनुसार पेट्रोलमा २ रुपैयाँ नाफा छ । मट्टितेल र हवाई इन्धनमा समेत नाफा रहेको छ ।

तर, डिजेलमा प्रतिलिटर १० रुपैयाँ र खाना पकाउने एलपीजी ग्यासमा प्रतिसिलिन्डर ८०० रुपैयाँ हाराहारी घाटा छ । जसकारण तत्काल पेट्रोलियम पदार्थको मूल्य समायोजन नगर्ने निगमको निर्णय छ ।