अवैध लागूऔषध सहित छुट्टाछुट्टै स्थानबाट चार जना पक्राउ

काठमाडौं । कास्की, पोखरा महानगरपालिका-३२ मझुवाबाट अवैध लागूऔषध गाँजा करिब १ किलो ५ सय ग्राम सहित धादिङ गल्छी नगरपालिका-२ बस्ने ३१ वर्षीय चित्र बहादुर राना समेत २ जनालाई बुधबार राति प्रहरीले पक्राउ गरेको छ । काठमाडौंबाट पोखरातर्फ आउँदै गरेको ग।२ ख ५५२ नम्बरको हाईसलाई वडा प्रहरी कार्यालय गगनगौंडाबाट खटिएको प्रहरीले जाँच गर्ने क्रममा हाइसमा सवार उनीहरुलाई उक्त गाँजा सहित फेला पारी पक्राउ गरेको हो ।

बाँके, कोहलपुर नगरपालिका-११ दशबिगाहस्थित दैलेखी सुर्खेती आयुष गेष्ट हाउसका संचालक धनपति सुवेदीलाई अवैध लागूऔषध ब्राउनसुगर करिब १ सय ७० मिलिग्राम सहित बुधबार दिउँसो प्रहरीले पक्राउ गरेको छ। विशेष सूचनाको आधारमा ईलाका प्रहरी कार्यालय कोहलपुरबाट खटिएको प्रहरीले उनको होटलबाट १ सय ३० मिलिग्राम र सोही नगरपालिका-५ एनसीसीएनस्थित उनको घरबाट ४० मिलिग्राम गरी उक्त परिमाणको ब्राउनसुगर सहित उनलाई पक्राउ गरेको हो ।

मकवानपुर, भिमफेदी गाउँपालिका-१ बागझोराबाट अवैध लागूऔषध गाँजा करिब १ सय ६० किलोग्राम सहित चितवन भरतपुर महानगरपालिका-१८ चनौली बस्ने ४३ वर्षीय टेक बहादुर गुरुङलाई बिहीबार बिहान प्रहरीले पक्राउ गरेको छ । प्रहरी चौकी भैसेबाट खटिएको प्रहरीले चुनियाबाट हेटौंडातर्फ आउँदै गरेको बा-२० च ६८ नम्बरको कारलाई भिमफेदी गाउँपालिका२ भैसेस्थित सडकमा रोक्न खोज्दा नरोकी भागेपछि बागझोराबाट कारलाई नियन्त्रणमा लिई जाँच गर्दा उक्त लागूऔषध फेला पारी चालक टेक बहादुरलाई पक्राउ गरेको हो । साथै कारमा सवार हाल फरार अन्य १ जनाको प्रहरीले
खोजी गरिरहेको छ।

उदयपुर, लिम्चुङबुङ गाउँपालिका(३ बाराहाबाट अवैध लागूऔषध गाँजा करिब २५ किलोग्राम बिहीबार बिहान प्रहरीले बरामद गरेको छ । ईलाका प्रहरी कार्यालय लिमचुङबुङबाट खटिएकोप्रहरीलाई देख्नासाथ स।५ प २९२६ नम्बरको मोटरसाइकल छोडी चालक फरार भएपछि मोटरसाइकलमा लोड गरी ल्याएको अवस्थामा प्रहरीले उक्त गाँजा फेला पारी बरामद गरेको हो । फरार मानिसको खोजी भइरहेको छ । यस सम्बन्धमा प्रहरीले आवश्यक अनुसन्धान गरिरहेको छ।