मलको अवस्था बुझ्न साल्ट ट्रेडिङ पुगे रवि

चितवन । चितवन क्षेत्र नम्बर २ बाट नवनिर्वाचित प्रतिनिधिसभा सदस्य रवि लामिछाने मलको अवस्था बुझ्न नारायणगढस्थित साल्ट ट्रेडिङमा पुगेका छन् । जिल्ला मुख्य निर्वाचन अधिकृतबाट सांसदमा निर्वाचित प्रमाणपत्र बुझेललगै उनी शनिबार नै त्यहाँ पुगेका हुन् ।

देशभरका किसान समयमै मत, बीउ नपाउँदा हैरानीमा पर्दै आएका छन् । आन्दोलनमा समेत आउनुपर्ने अवस्था उनीहरुको छ । मकै र धानमा मल हाल्ने बेला मतको अभाव हुँदै आएको वर्षौं भइसकेको छ ।

उनले चितवन-भरतपुर महानगरपालिकाको सहिदचोक–धर्मचोक–कचपचे सडकखण्डअन्तर्गतको धर्मचोक क्षेत्रको पनि शनिबार अवलोकन गरेका छन् । उनले सडक निर्माणको ठेक्का पाएको कम्पनीका प्रतिनिधि र निर्माण व्यवसायी संघ चितवनका अध्यक्षसँग छलफल गरेर सडक निर्माण कार्य तत्काल गर्न सार्वजनिक प्रतिवद्धता गर्न लगाए ।

उनले स्थानीय जनताले आफूलाई भोट दिएर जिताएपछि जनताको समस्या समाधान गर्न आजैदेखि अघि सरेको बताए । जनताको पक्षमा शीर्घ काम गर्न र सरकारी सेवालाई प्रभावकारी तथा गतिशीलता प्रवाह गर्न आफू लागिपर्ने बताए ।

उनले आफूलाई ‘मलाई सामान्य भेटघाट, बधाई कार्यक्रम, शिलान्यास, उद्घाटनमा नबोलाउन पनि आग्रह गरे ।