प्रचण्डले धोका दिए : डा. शेखर कोइराला

काठमाडौं । नेपाली कांग्रेसका नेता डा. शेखर कोइरालाले पुष्पकमल दाहाल प्रचण्डले धोका दिएको आरोप लगाएका छन् । आइतबार बिहानसम्म कांग्रेससहितको गठबन्धनको बैठकमा बसी उक्त बैठक छाडेर बालकोट पुगी एमालेसहितको गठबन्धन सरकारको प्रधानमन्त्री नियुक्त भएपछि नेता कोइरालाले यस्तो आरोप लगाएका हुन् ।

प्रचण्डले गठबन्धनको मर्म नबुझी सरकारमा जान हतार गरेको उनको आरोप छ । कांग्रेसलाई प्रचण्डले चुनावी रणनीति अनुसार प्रयोग गरेको पनि उनको आरोप छ । यस बारे पार्टीको केन्द्रीय समितिमा छलफल हुने समेत उनले बताएका छन् ।