मेयर बालेनले भने- ‘पशुपतिमा बस्न र खानको व्यवस्था गर्छौंभन्दा खुलामञ्च नै रोज्नुभयो’

काठमाडौं । काठमाडौं महानगरपालिकाका मेयर बालेन शाहले मिटरब्याज पीडितलाई पशुपति क्षेत्रमा खाने र बस्ने व्यवस्था गर्न खोज्दा उनीहरुले खुलामञ्चमा नै बस्न चाहेको बताएका छन् । उनले सामाजिक सञ्जालमार्फत यस्तो बताएका हुन् ।

नगर प्रहरीले उनीहरुलाई खुलामञ्च प्रवेशमा रोक लगाएको केहीबेरमै बालेनले यस्तो प्रतिक्रिया दिएका हुन् । उनले सरकार प्रति आक्रोश व्यक्त गर्दै यस्तो स्थिति सिर्जना हुँदा पनि सरकार रमिते बनेको आरोप समेत लगाएका छन् । मेयर बालेनले आन्दोलनमा ऐक्यवद्धता जनाउँदै खुलामञ्चको विकल्प रोज्न आग्रह गरेका छन् ।