सडकमै सुतेर शिक्षकहरुले गरे आन्दोलन

काठमाडौँ । राहत शिक्षक र पेन्सन वञ्चित शिक्षकले सोमबार आन्दोलनलाई जारी राखेका छन् । नयाँ बानेश्वरको सडकमा सुतेर उनीहरुले प्रदर्शन जारी राखेका हुन् । उनीहरूले शिक्षा विधेयकमा नेपाल शिक्षक महासंघ र सरकारबिचको सम्झौतामा असहमति जनाउदै आन्दोलन गरेका हुन् ।

नेपाल राहत शिक्षक केन्द्रीय समितिले शिक्षक महासंघ र सरकारबिच भएको सम्झौताले आम शिक्षक कर्मचारीको मानमर्दन भएको भन्दै सम्पूर्ण राहत शिक्षकको स्थायी व्यवस्थापनका लागि आन्दोलन जारी राख्ने बताएको छ ।

त्यस्तै पेन्सन वञ्चित शिक्षक केन्द्रीय संघर्ष समितिले पनि सम्पूर्ण शिक्षक कर्मचारीको माग र मुद्दालाई सरकारले सम्बोधन नगरेसम्म आन्दोलन जारी राख्ने बताएको छ ।