तोलामा ३ सय रुपैयाँले बढ्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा आज सुनको मुल्य बढेको छ । मंगलबार प्रतितोला १ लाख ६ हजार ६ सय रुपैयाँमा कारोबार भएको छापावाल सुन आज तोलामा ३ सय रुपैयाँले बढेर १ लाख ६ हजार ९ सय रुपैयाँमा कारोबार भएको छ ।

आज तेजावी सुन पनि प्रति तोला ३ सय रुपैयाँले बढेर १ लाख ६ हजार ४ सय रुपैयाँमा कारोबार भएको छ । नेपाल सुनचाँदी व्यवसायी महासंघका अनुसार आज चाँदीको भाउ भने स्थिर रहँदै प्रतितोला १ हजार ३ सय १० रुपैयाँमा कारोबार भइरहेको छ ।

आज प्रति १० ग्राम छापावाल सुनको भाउ ९१ हजार ६ सय ५० रुपैयाँ, १० ग्राम तेजावी सुनको भाउ ९१ हजार २ सय २० रुपैयाँ र प्रति १० ग्राम चाँदीको भाउ १ हजार १ सय २३ रुपैयाँ कायम रहेको छ ।