मनाङ एयरको हेलिकप्टर सोलुखुम्बुमा दुर्घटना

काठमाडौँ । मनाङ एयरको हेलिकप्टर सोलुखुम्बुको लोबुचेमा दुर्घटनामा परेको छ। शनिबार बिहान करिब सवा सात बजे उक्त हेलिकोप्टर दुर्घटनामा परेको हो ।

लुक्लाबाट ७:१३ मिनेटमा लोबुचे उडेको मनाङ एयरको ‘एन-एएनजे’ कलसाइन भएको हेलिकप्टर शनिबार बिहान दुर्घटना भएको हो। हेलिकप्टरमा पाइलट प्रकाश सेढाई एक्लै थिए। मनाङ एयर स्रोतका अनुसार हेलिकप्टर लुम्लाबाट नाम्चेबजारतर्फ जाँदै थियो।

दुर्घटनामा परेका पाइलट सकुशल रहेको र उनको उद्धार गरि काठमाडौँ ल्याउने प्रयास भइरहेको बताइएको छ ।