राजीनामा फिर्ता लिएका डीआईजी अर्जुन चन्दको सरुवा

काठमाडौं । नेपाल प्रहरीका डीआईजी अर्जुन चन्दको सरुवा भएको छ। त्रिभुवन विमानस्थल सुरक्षा प्रमुख रहेका चन्दको प्रदेश समन्वय विभागमा सरुवा भएको हो ।

माघ २१ मा अन्तर्राष्ट्रिय विमानस्थलतर्फको डिपार्चरको वाक थ्रु (एक्स–रे) गेटमा अध्यागमनका अधिकृत छायाँलाल मोक्तान र जाँचमा खटिएका प्रहरी जवान रविरन्जन गुप्ता, प्रहरी सहायक निरीक्षक संजय तामाङसहित तीन प्रहरी कर्मचारीसँग लात्तामुक्का भएको थियो ।

सोही विषयलाई लिएर असन्तुष्ट रहेका चन्दले पदबाट राजीनामा दिएका थिए । तर, प्रहरी प्रधान कार्यालय नक्सालले रीत नपुगेको भन्दै तामेलीमा राखेको थियो । पछि प्रहरी महानिरीक्षक आईजीपी वसन्तबहादुर कुँवरले सम्झाएपछि उनले राजीनामा फिर्ता लिएका थिए । राजीनामा फिर्ता लिएका रिजाल १० दिनका लागि बिदामा बसेका थिए ।

त्यसको केही दिनमै उनलाई सरुवा गरिएको हो। डीआईजी चन्दलाई विमानस्थल प्रमुखका रुपमा खटाउँदा पनि काजमै सरुवा गरिएको थियो। उनको दरबन्दी भने त्यतिबेला पनि साइबर ब्यूरो मै थियो। अहिले पनि दरबन्दी साइबर ब्यूरोमै राखेर काजमा प्रहरी प्रधान कार्यालय लगिएको हो।