आगलागीबाट बिभिन्न धनमाल जलेर नष्ट

काठमाडौं । दोधारा चाँदनी नगरपालिका-१ पशुपती टोल बस्ने हिरा नाथको घर, भान्सा कोठा तथा गोठमा आइतबार बिहान आगलागी हुँदा घर, भाडावर्तन, लत्ताकपडा, अन्नपात जलेर करिब ५ लाख रूपैयाँ बराबरको धनमाल नष्ट भएको नेपाल प्रहरीले बताएको छ । प्रहरीका अनुसार हरिवन नगरपालिका-११ हरिवनस्थित मनकामना बहुउद्देशीय सहकारी संस्थामा पैसा गन्ने मेसिनमा आइतबार बिहान आगलागी हुँदा करिब ५ लाख रूपैयाँ बराबरको धनमाल जलेर नष्ट भएको छ ।

यसैगरी चिशंखुगढी गाउँपालिका-८ तल्लो रितास्थित भालुखोप सामुदायिक वनमा लागेको आगो फैलिएर सोही ठाउँ बस्ने श्रीमान कामीको घर तथा गोठमा आइतबार दिउँसो आगलागी हुँदा करिब ३ लाख ७० हजार रूपैयाँ बराबरको धनमाल जलेर नष्ट भएको नेपाल प्रहरीले जनाएको छ। प्रहरीले स्थानीय वासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको बताइएको छ।