दाइजोका कारण बिवाहनै क्यान्सिल गर्ने लाइ प्रहरीले यसरी समात्यो

दाइजोको कारण विवाह इन्कार गर्ने महुबन गाविस–३ बस्ने ४५ वर्षीय गणेश साहलाई बुधबार प्रहरीले पक्राउ गरेको छ ।
साहका छोरा २३ वर्षीय गौरीशंकर साह र पर्सा लखनपुर गाविस–४ बस्ने १९ वर्षीया युवतीबीच सामाजिक परम्परा अनुसार गत बैशाख १७ गते बिबाह हुने भनी केटा तथा केटी पक्षको सहमतिमा मिति घोषित भएको थियो । केटा पक्षका दुलाहाका बावु साहले दाइजो कम भएको भनी पूर्व घोषित मितिमा विबाह ईन्कार गरी बिबाहको जन्ती नल्याएको भन्ने सूचनाको आधारमा खटि गएको प्रहरीले साहलाई पक्राउ गरेको हो । साहलाई सामाजिक ब्यबहार (सुधार) ऐन २०३३ बमोजिम कारबाही भइरहेको नेपाल प्रहरीले जानकारी केन्द्रलाइ बताएको छ ।
साथै हाल भागी फरार रहेका उनका छोरा गौरीशंकर साहको खोजी कार्य भइरहेको प्रहरीले जनाएको छ ।