नागपोखरीमा डोङफेङ नामीको नयाँ अत्याधुनिक शोरुम अनावरण साथै मेगा टेस्ट ड्राइभ क्याम्पको घोषणा

काठमाडौं । एमएडब्ल्यू वृद्धि मोटर्स प्रा. लि. द्वारा आयातित डोङफेङ नामीले नेपालमा आफ्नो अत्याधुनिक शोरुमको भव्य उद्घाटन गरेको छ। यो कोशेढुङ्गाले असाधारण सेवा र व्यापक ग्राहक अनुभवप्रति नामीको प्रतिबद्धतालाई जोड दिने बताइएको छ। यसै अवसरमा नामीले सीमित समयका अफरहरू सहितको मेगा टेस्ट ड्राइभ क्याम्प पनि सुरु गर्ने घोषणा गरेको कम्पनीले बताएको छ ।

उद्घाटन समारोहमा डोङफेङ मोटर्सका कन्ट्री म्यानेजर फान झियुआन, एमएडब्ल्यू वृद्धि समूहका अध्यक्ष विष्णु कुमार अग्रवाल, एमएडब्ल्यू वृद्धिका एमडी विवेक सिकरिया र एमएडब्ल्यू वृद्धि मोटर्सका बिजनेस हेड प्रशन्न पन्त लगायत प्रमुख व्यक्तित्वहरू सँगै नामीका ग्राहकहरू र मिडिया क्षेत्रका व्यक्तित्वहरूको बाक्लो उपस्थिति थियो।

अगस्ट, २०२४ मा वाइल्ड रिपर्ज, सबिन राई र फारोको प्रस्तुति र फेसन शो सहितको सफल सुरुवात पछि नामीले नेपालमा छोटो समयमै लोकप्रियता हासिल गरेको जनाइएको छ। यो नौलो लन्च इभेन्टले उल्लेखनीय चर्चा पाएको थियो र यसले नामीको बलियो बजार प्रवेशको लागि मार्गप्रशस्त गरेको कम्पनीले बताएको छ ।

सुरुवातको एक महिना भित्रै नामीले ४०० भन्दा बढी ग्राहकहरू प्राप्त गरिसकेको जनाइएको छ। यसले नेपाली बजारमा नामीको बलियो माग देखाउँछ। नयाँ शोरूमको उद्घाटन आफ्ना सवारी साधनहरू बुक गरिसकेका ग्राहकहरूसँग उत्सव मनाउने उत्तम अवसर पनि बन्यो। कार्यक्रममा नामीको सिल्भर कलर भेरियन्टको पनि उत्सवमय लन्च गरिएको थियो। हस्तान्तरण कार्यक्रममा केक काट्ने रमाइलो समारोहको आयोजना गरिएको थियो भने त्यसलगत्तै नयाँ सुविधाहरूको औपचारिक भ्रमण पनि गरिएको बताइएको छ।

ग्राहकहरूलाई बहुआयामिक अनुभव प्रदान गर्ने गरी नयाँ शोरूमको डिजाइन गरिएको छ जसले नामीका सुविधाहरू प्रदर्शन गर्दै विशेषज्ञ परामर्श प्रदान गर्दछ र निर्बाध रूपमा आफ्टर सेल्स सर्भिस पनि प्रदान गर्दछ। ग्राहकहरूले अब जानकार कर्मचारीहरूसँग अन्तरक्रिया गर्दै आधुनिक र सहज वातावरणमा नामी अन्वेषण गर्न र यस ब्रान्डको प्रत्यक्ष अनुभव गर्न सक्नेछन्। “नेपालमा हाम्रो अत्याधुनिक शोरूम खोल्न पाउँदा हामी रोमाञ्चित छौं”, एमएडब्ल्यू वृद्धिका अध्यक्ष विष्णु कुमार अग्रवालले भने। “यसले हाम्रो बढ्दो ग्राहक आधारलाई उत्कृष्ट सेवा दिन सघाउँछ भन्नेमा हामी विश्वस्त छौं।”

मेगा टेस्ट ड्राइभ क्याम्प : नामीको प्रत्यक्ष अनुभव गरौँ
नक्सालको नागपोखरीमा रहेको नयाँ शोरूममा जनवरी ११ देखि १६ सम्म आयोजना हुने गरी मेगा टेस्ट ड्राइभ क्याम्पको घोषणा गरिएको छ। यो क्याम्पले सम्भावित ग्राहकहरूलाई नामीको प्रत्यक्ष अनुभव लिने अवसर प्रदान गर्नेछ। ग्राहकहरूले “नाउ अर नेभर” मेगा अफरहरूबाट फाइदा लिन सक्छन् जसमा ७ किलोवाटको वाल चार्जर र आकर्षक नगद छुट समावेश छ। यसबाहेक, ग्राहकहरूले गाडीको टेस्ट ड्राइभ गर्दा रोमाञ्चक गिफ्ट ह्याम्पर र बुकिङ गर्दा नगरकोटको होटल कन्ट्री भिल्लामा निस्शुल्क नाइट स्टे गर्न पाउनेछन्। ग्राहकहरूले आफ्नो पुरानो गाडी साट्न र राम्रो एक्सचेन्ज मूल्यमा नयाँ नामी घर लैजान पनि सक्नेछन्।