नेपाली बजारमा सार्वजनिक भयो दीपल एस ०७ एल, मूल्यमा विशेष छुट

काठमाडौं । नेपाली बजारमा थप शक्तिशाली मोटर भएको र बढी रेन्ज दिने ‘दीपल एस ०७ एल’ भित्रिएको छ । नेपालका लागि चांगन मोटर्सको आधिकारिक बिक्रेता एमएडब्लू वृद्धिले आज एक कार्यक्रम बीच ‘दीपल एस ०७ एल’ सार्वजनिक गरेको हो ।

दीपल एमएडब्लूको सफल इलेक्ट्रक एसयूभी हो । फ्युचरिस्टिक डिजाइन र अत्याधुनिक प्रविधिका कारण निकै लोकप्रिय बनेको दीपल एस ०७ हालसम्म ७०० भन्दा बढी युनिट बिक्री भइसकेको कम्पनीले जानकारी दिएको छ ।

नयाँ एस ०७ एलले ईभीको पर्फर्मेन्स, रेन्ज ड्राइभिङ एक्साइटमेन्टलाई नयाँ उचाइमा पुर्याउने कम्पनीको दाबी रहको छ ।

दीपल एस ०७ एलमा १६० किलोवाटको रियर ह्वील ड्राइभ मोटर रहेको छ । यसमा ७९.९ किलोवाट आवरको ब्याट्रीप्याक दिइएको छ । यसको मोटर पहिलेको रेगुलर भर्सनभन्दा ६० किलोवाट धेरै हो ।

दीपल एस ०७ एलको ब्याट्रीप्याक समेत १३.१ किलोवाट आवरले ठूलो भएको छ । यो ईभीले सिंगल चार्जमा ४८५ किलोमिटर डब्लूएलटीपी रेन्ज दिन्छ । स्पीड इन्थुजियास्टका लागि डिजाइन गरिएको यो इलेक्ट्रीक एसयूभीको टप स्पीड १८० किलोमिटर प्रतिघण्टा रहेको छ भने ० देखि १०० किलोमिटर प्रतिघण्टाको रफ्तार मात्र ६.६ सेकेण्डमा हासिल गर्नेछ।

यो एसयूभीमा मोटर पावर तथा ब्याट्रीको क्षमता बाहेक सबै फिचर एस०७ को जस्तै रहेको छ । एस ०७ एलले पनि चर्चित दीपल एस ०७ ले जस्तै बोल्ड एक्सटेरियर, फ्रेमलेस डोर ठूला २० इन्चका टायरले सबैको ध्यान आकर्षित गर्नेछ ।

क्याबिनमा क्वालकम स्नेपड्रागान ८१५५ चिपजडित १५.६ इन्चको सनफ्लावर टचस्क्रीन हुनेछ । यसले इन्फोटेन्मेन्ट र भेहिकल कन्ट्रोललाई बेजोड बनाउँछ । यसबाहेक दीपल एस०७एलमा नेभिगेसन र ड्राइभर इन्फर्मेसनका लागि अग्मेन्टेड रियालिटी हेडअप डिस्प्ले, ह्यान्ड फ्री अप्रेसनका लागि जेस्चर कन्ट्रोल, वेलकम सिट, एन्डभान्स्ड् सेफ्टी ड्राइभिङ, एसाय २.५ जस्ता फिचरहरू रहेको छ ।

सुरक्षाका लागि यसमा एआइसीसी एडाप्टिभ क्र्युज कन्ट्रोल, एक्टिभ इमर्जेन्सी ब्रेकिङ, ब्लाइण्ड स्पट मनिटरिङ, ट्रान्सपेरेन्ट च्यासिस सहितको ३६० डिग्री पानोरामिक क्यामेरा आदि रहेको छ ।

कम्पनीले दीपलको एस ०७ एलको मूल्य ८४ लाख ९९ हजार रुपैयाँ तोकेको छ । तर, आगामी १५ दिन भित्र खरिद गर्नेले भने ८१ लाख ९९ हजार रुपैयाँमै पाउने कम्पनीले जनाएको छ ।