प्रधानमन्त्री कप महिला क्रिकेटको उपाधि एपीएफलाई

काठमाडौं । धनगढीमा जारी प्रधानमन्त्री कप टी-२० महिला क्रिकेटको उपाधि सशस्त्र प्रहरी बल नेपाल ९एपीएफ० ले जितेको छ । आज भएको उपाधि भिडन्तमा सुदूरपश्चिमलाई ९ विकेटले हराउँदै एपीएफले उपाधि जितेको हो ।

सुदूरपश्चिमले दिएको ६८ रनको सामान्य लक्ष्य एपीएफले ४३ बल बाँकी रहँदै एक विकेटको क्षतिमा पूरा गर्यो । उसका लागि ममता चौधरीले ४३ रनको विष्फोटक ब्याटिङ गरिन् । ४३ बलको सामना गरेकी ममताले ५ चौका हिर्काईन् । नटआउट रहेकी ममतालाई २० बलमा २ चौकासहित १८ रन जोडेर इन्दू वर्मालेसाथ दिईन् ।

त्यसअघि फाप्ला मैदानमा टस जितेर पहिला ब्याटिङ गरेको सुदूरपश्चिम १८ ओभरमा ६७ रनमा अलआउट भएको थियो । सुदूरका लागि मनिषा बोहराले १८, विन्दू रावलले १७ र रेवती धामीले सात रन जोड्नुबाहेक अरुले दोहोरो अंकमा रन जोड्न सकेनन् ।

बलिङमा एपीएफकी कविता जोशीले तीन तथा सवनम राई र इन्दू वर्माले समान दुई विकेट लिए । करुणा भण्डारीको नाममा एक विकेट रह्यो । एपीएफ प्रतियोगितामा अपराजित रहँदै च्याम्पियन बनेको हो । एपीएफले महिला पीएम कप सातौंपटक जितेको हो । इन्दु बर्माको कप्तानीमा एपीएफले पहिलोपटक उपाधि जितेको हो ।यसअघि एपीएफले सन् २०१६ देखि सन् २०१९ सम्म लगातार तथा त्यसपछि २०२१ र २०२३र२४ मा उपाधि जितेको थियो ।