२०८१ साल फागुन महिनामा कस्तो रहला त तपाईको भाग्य, हेर्नुहोस् राशिफल

मेष ( चु, चे, चो, ला, लि, लु, ले, लो, अ )
मेष राशि हुनेहरूको लागि यो महिना श्रेष्ठ रहनेछ । व्यापार विस्तारको लागि माननीय जनहरूको सहयोग मिल्नेछ । साथै रोकिएका कामहरू सम्पादन हुनेछन् । प्रभावशाली व्यक्तित्वको निर्माण गर्ने समय रहेको छ । पारिवारिक समस्यामा आफूभन्दा ठूलाको साथ र सहयोग मिल्न गाह्रो रहेको छ । सञ्चित धनमा केही हानि हुन सक्ला । सन्तानको प्रगति हुनेछ । भौतिक साधन जुट्नेछ । प्रतिष्ठित जिम्मेवारी हात पार्न सफल भइनेछ । कार्य क्षेत्रमा विरोधीहरू सक्रिय रहनेछन् । साझेदारी व्यापारबाट लाभ मिल्नेछ । व्यापार व्यवसायमा जीवनसाथीको सहयोग मिल्नेछ । कार्य क्षेत्रलाई लिएर गरिएको यात्रा सफल रहनेछ । स्वास्थ्यको दृष्टिले यो महिना हजुरलाई सामान्य देखिएको छ । कफजन्य समस्याले हजुरलाई सताउन सक्नेछ ।

वृष ( इ, उ, ए, ओ, वा, वि, वु, वे, वो )
वृष राशि हुनेहरूको लागि यो महिना श्रेष्ठ रहनेछ । कार्य क्षेत्रमा पदोन्नतिका योग छन् । पिताको साथ र सहयोग मिल्नेछ । नयाँ वाहन किन्नमा पिताको सहयोग प्राप्त होला । नोकरी वा पेशामा नयाँ जिम्मेवारी मिल्नेछ । प्रतिस्पर्धामा विजय मिल्नेछ । कार्य क्षेत्रमा श्रमको उचित मूल्यांकन मिल्नेछ । आर्थिक पक्ष सबल रहनुको साथै नयाँ नोकरीमा सफलता पाइनेछ । विद्यार्थीहरूलाई पठन पाठनमा मन लाग्नुको साथै संगीत वा कलाको क्षेत्रमा रुचि बढ्नेछ । आयका नयाँ स्रोतहरू बढ्नेछन् । स्वास्थ्यलाई लिएर यो महिना सामान्य रहनेछ । ब्लड प्रेसर र शुगर सम्बन्धी समस्या रहेको छ भने चिकित्सकको उचित परामर्श लिनुहोला । सुख सुविधामा धन खर्चका योग छन् । कठिन समयमा मित्रको सहयोग गरेर खुसी मिल्नेछ । सम्पत्तिलाई लिएर वादविवाद हुन सक्ला । न्यायिक मामिलाहरूमा सफलता मिल्नेछ ।

मिथुन ( का, कि, कु, घ, ङ, छ, के, को, हा )
मिथुन राशि हुनेहरूको लागि यो महिना श्रेष्ठ रहनेछ । नँया घर प्रवेश आदिका पनि योग बनिरहेका छन् । घरमा मांगलिक कार्यमा धन खर्च हुनेछ । पारिवारिक सद्भाव बढ्नेछ । धर्म कर्ममा रुचि बढ्नुको साथै आध्यात्मिक क्षेत्रमा विकास हुनेछ । राज्यपक्ष वा सामाजिक क्षेत्रमा नयाँ जिम्मेवारी मिल्नेछ । भौतिक सुख सुविधा जोड्ने समय रहेको छ । घरको मर्मत आदिमा धन खर्च हुनेछ । कार्य क्षेत्रमा हजुरको योग्यताको मूल्यांकन हुनेछ । विद्यार्थीहरूलाई उच्च शिक्षाको लागि वैदेशिक अवसर मिल्ने सम्भावना रहेको छ । कार्य क्षेत्रमा रोकिएका कार्य सम्पादन हुनेछन् । समाजसेवालाई लिएर नयाँ अभियानहरू थालनीमा माननीयजनहरूको साथ सहयोग मिल्नेछ । स्वास्थ्य राम्रो रहनेछ ।

कर्कट ( हि, हु, हे, हो, डा, डि, डु, डे, डो )
कर्कट राशि हुनेहरूको लागि यो महिना सामान्य रहनेछ । आर्थिक वा सामाजिक क्षेत्रमा हानिका योग छन् । भविष्यलाई लिएर नयाँ जग बसाउन सकिनेछ । वादविवादबाट टाढा रहने प्रयास गर्नुहोला । शत्रु पक्ष सक्रिय हुनाले मन अस्थिर हुन सक्छ । कार्य क्षेत्रमा झुठो आरोप लाग्न सक्छ । सरकारी क्षेत्रमा प्रभाव बढ्नेछ । पारिवारिक उल्झनबाट निस्किन अलि समय लाग्ला । महत्वकांक्षी योजनाहरू प्रारम्भ गर्नको लागि सही समयको प्रतिक्षा गर्नुहोस् । स्वास्थ्य कमजोर हुनाले दम तथा श्वासप्रश्वासको समस्या देखिन सक्ला । विद्यार्थीहरूलाई उच्च शिक्षाको लागि नयाँ अवसर मिल्ने योग छ । वैदेशिक यात्राको योग छ । विदेशतिरबाट कुनै शुभ सूचना मिल्नेछ । मेहनतले जीवनशैलीमा परिवर्तन आउनेछ ।

सिंह ( मा, मि, मु, मे, मो, टा, टि, टु, टे )
सिंह राशि हुनेहरूको लागि यो महिना राम्रो रहनेछ । विवाह आदिका योग बनिरहेका छन् । जीवन साथीसँग रमाइलो भ्रमणको पल बित्नेछ । दाम्पत्य जीवन सुखमय रहनेछ । जीवन साथीको साथ मिल्नेछ । प्रेम सम्बन्धलाई विवाहमा टुङ्ग्याउन उचित समय रहेको छ । कार्य क्षेत्रमा नयाँ परिस्थितिले नयाँ जिम्मेवारी मिल्नेछ । प्रशस्त धन वा बहुमूल्य धातु संग्रह गर्ने योग रहेको छ । जीवन साथीद्वारा उपहार मिल्ला । मनोरञ्जनात्मक र कलात्मक क्षेत्रमा समय बित्नेछ । व्यवहारिक पक्ष सुल्झिनेछ । साझेदारी व्यापारबाट मनज्ञ लाभ मिल्नेछ । कार्य क्षेत्रमा झट्टै कसैको विश्वास नगरौं । व्यापार व्यवसायमा विश्वासपात्रबाट धोका मिल्न सक्छ । कानूनी समस्या सुल्झिनेछ । जीवनमा नयाँ आनन्द र नयाँ अनुभूति मिल्नेछ । स्वास्थ्यको दृष्टिले माह सामान्य रहेको छ । रोगबाट मुक्ति मिल्नेछ ।

कन्या ( टो, पा, पि, पु, ष, ण, ठ, पे, पो )
कन्या राशि हुनेहरूको लागि यो महिना सामान्य रहनेछ । आर्थिक दृष्टिले यो महिनामा खर्च धेरै रहनेछ । कार्य क्षेत्रमा शत्रुहरू सक्रिय रहनेछन् । व्यापार व्यवसायमा कानुनी समस्या आउन सक्ला । नयाँ फिल्म आदिमा हजुरलाई सफलता हात लाग्नेछ । बैंकिंग वा मार्केटिंग क्षेत्रबाट मनग्य लाभ मिल्नेछ । नोकरीमा अपयस मिल्नाले मन अशान्त रहनेछ । विदेशतिर ताक्नेहरूलाई यात्रामा बाधा आउनेछ । विद्यार्थीहरूलाई पढाइमा नयाँ विषय सिक्ने अवसर मिल्नेछ । मामाको तर्फबाट कुनै बहुमूल्य उपहार मिल्न सक्ला । कार्य क्षेत्रमा उपलब्धिमूलक कार्य सम्पादन गर्न सकिनेछ । स्वास्थ्य सामान्य रहनेछ । मौसमी बिमारीहरूबाट बच्चाहरूलाई जोगाउनुहोला । पेट सम्बन्धी समस्या छ भने बढ्नेछ । खानपानमा सादा भोजनको उपयोग गर्नुहोस् ।

तुला ( रा, रि, रु, रे, रो, ता, ति, तु, ते )
तुला राशि हुनेहरूको लागि समय उपयुक्त रहेको छ । नयाँ कार्य थालनीको लागि बैंकबाट लोनको समस्या सुल्झीनेछ । पठन पाठनमा आलस्यले गर्दा शिक्षाको क्षेत्रमा समय कमजोर रहनेछ । नोकरीमा स्थान्तरणका योग छन् । व्यापार व्यवसायमा लाभ रहने छ । सन्तानको प्रगतिले मन हर्षित वा आनन्दित रहनेछ । सन्तानको सहयोग र साथ मिल्नेछ । गृहणीहरूको सौन्दर्यका सामानमा धन खर्च हुनेछ । शुभचिन्तकहरूको साथ र सहयोग जुट्नाले पुरुषार्थी कार्य सम्पादन हुनेछन् । प्रेम सम्बन्ध कसिनेछ वा दाम्पत्य जीवन सुमधुर रहनेछ । रोकिएका काम सम्पादन हुनेछन् । कार्य क्षेत्रमा अधिकारी वर्गहरूको साथ सहयोग मिल्नेछ । स्वास्थ्यको दृष्टिले समय सामान्य रहेको छ । घुँडा दुख्ने समस्या बढ्न सक्ला।

वृश्चिक ( तो, ना, नि, नु, ने, नो, या, यि, यु )
वृश्चिक राशि हुनेहरूको लागि यो समय सामान्य रहेको छ । महत्वकांक्षी योजना सम्पादन हुनाले यो महिना मन आनन्दित र प्रफुल्लित रहनेछ । समाजमा इष्ट मित्रहरूको साथ मिल्ने तथा नयाँ मित्रको सम्पर्कले रोकिएको कार्य सम्पादन हुनेछ, कार्य क्षेत्रमा प्रभाव बढ्नेछ । पुरानो मित्रहरूको भेटघाटले पुराना कुराहरू ताजा हुनेछन् । घर परिवारमा मनमुटाव हुन सक्ला । पुरानो विवादलाई लिएर घरमा झगडा हुन सक्छ । डिप्रेसन आदिको समस्या थियो भने वृद्धि हुन सक्छ, समयमा मनोचिकित्सकको सल्लाहले कार्य गर्नुहोला । माताको स्वास्थ्यमा सुधार आउनेछ । स्वास्थ्यको दृष्टिकोणले यो समय सामान्य रहेको छ ।

धनु ( ये, यो, भा, भि, भु, धा, फा, ढा, भे )
धनु राशि हुनेहरूको लागि यो समय राम्रो रहेको छ । पराक्रममा वृद्धि हुनेछ, साथै नयाँ ठाँउमा आफ्नो योग्यतालाई जनाउन सकिनेछ । साहसी बन्नुहोस्, समयले साथ दिनेछ । आफन्तहरूसँगको भेटघाटले मन उत्साहित रहनेछ । नयाँ कामको थालनी हुनेछ । परिवार तथा साथीभाइहरूबाट राम्रै सहयोग मिल्नेछ । सोचेको भन्दा पनि राम्रो सफलता प्राप्त हुने समय रहेको छ । बाणीमा संयम राख्नुहोस्, समय उत्तम रहेको छ । नोकरी वा पेशामा अधिकारी वर्गसँग राम्रो तालमेल बन्नेछ । घर परिवारमा आफ्नो कर्तव्यलाई सम्झेर कार्य गर्नुहोस् । कार्य क्षेत्रमा गम्भीर र तटस्थ भएर कार्य गर्नुहोस् । स्वास्थ्य सामान्य रहनेछ । ढाड दुख्ने समस्या बल्झिन सक्छ ।

मकर ( भो,जा,जि,जु,जे,जो,ख,खि,खु,खे,खो,गा,गि )
मकर राशि हुनेहरूको लागि यो महिना सामान्य रहनेछ । नेटवर्किंग क्षेत्रमा नयाँ अवसरहरू मिल्दैछन् । सरकारी परीक्षाको तयारी गर्नु हुनेहरूको लागि समय उत्तम रहेको छ । पारिवारिक सम्बन्ध सवल रहनेछ । विद्यार्थीहरूलाई पढाइमा शिक्षकहरूद्वारा मार्गदर्शन मिल्नेछ । कार्य क्षेत्रमा वेतन वृद्धिले मन प्रसन्न रहनेछ । कार्य क्षेत्रमा गरिएका कामहरूको धेरै प्रशंसा मिल्नेछ । व्यापार व्यवसायमा आफन्तहरूको साथ र सहयोग मिल्नेछ । राजनीतिक र सामाजिक क्षेत्रमा प्रभाव बढ्नेछ । सामाजिक कार्यमा जनताको समर्थन मिल्नेछ । स्वास्थ्य सामान्य रहनेछ, घाँटी दुख्ने समस्या हुन सक्ला ।

कुम्भ ( गु, गे, गो, सा, सि, सु, से, सो, दा )
कुम्भ राशि हुनेहरूको लागि यो महिना श्रेष्ठ रहेको छ । राजनीतिक क्षेत्रमा प्रभाव बढ्नुको साथै राजनीतिक क्षेत्रमा नयाँ जिम्मेवारी पाउन सक्नुहुनेछ । कार्य क्षेत्रमा लगनशीलताले पदोन्नतिको योग रहेको छ । कार्य क्षेत्रमा बाणीका प्रभावले हजुरले आफ्नो कार्य सम्पादन गर्न सक्नुहुनेछ । आकस्मिक धन लाभका योग छन् । शेयर मार्केटबाट मनग्य लाभ प्राप्त हुनेछ । कार्य क्षेत्रमा सहकर्मीहरूको साथ मिल्नेछ । व्यापार व्यवसायलाई लिएर गरिएको यात्राहरूबाट सफलता मिल्नेछ । व्यापार विस्तारको लागि नयाँ रूपरेखा कोरिनेछ । आय आर्जनका नयाँ बाटोहरू खुल्नेछन् । घरायसी कामकाजमा धेरै समय व्यतीत हुनेछ । दाम्पत्य जीवन सुखमय रहनेछ । जीवनसाथीको कुरालाई पनि मान दिने प्रयास गर्नुहोला । विद्यार्थीहरूलाई पढाइमा विशेष सफलतादायक समय रहनेछ । इन्जिनियरिंग वा चिकित्साको क्षेत्रमा विशेष सफलता हात लाग्नेछ।

मीन ( दि, दु, थ, झ, ञ, दे, दो, चा, चि )
मीन राशि हुनेहरूको लागि यो समय सामान्य रहेको छ । कार्य क्षेत्रमा नयाँ बाधाहरु आउनेछन् । कार्य क्षेत्रमा सहकर्मीहरूबाट सावधान रहनुहोस् । मित्रबाट सहयोग मिल्ने छ । नसोचेको ठाउँबाट धन आउनाले मन खुसी रहनेछ । अनावश्यक खर्च हुनाले मन अप्रशन्न हुन सक्छ । साहासिक कार्यमा आर्थिक लाभ हुनेछ । न्यायिक क्षेत्रमा सफलता मिल्नेछ । कार्य क्षेत्रमन अर्काको विश्वासमा काम नछोड । व्यापार व्यवसायमा व्यापार व्यवसायमा नयाँ काम थालिनको लागि समय उपयुक्त छैन । कार्य क्षेत्रमा बाणीले गर्दा सहयोगीहरूसँग मनमुटाव हुन सक्ला । व्यापारी वर्गलाई व्यापारमा सोचेजस्तो लाभ नमिल्ला । वैदेशिक क्षेत्रबाट लाभ मिल्नेछ । विद्यार्थीहरूलाई पठन पाठन साथै स्वास्थ्यमा पनि समय अनुकूल रहनेछ ।

– ज्याे. पं. धर्मेन्द्र कृष्ण पौडेल