एमएडब्लूले बालकुमारी र बसुन्धरामा अत्याधुनिक ईभी सर्भिस सेन्टर सञ्चालन गर्ने

काठमाडौं । एमएडब्लु वृद्धिले बालकुमारी र बसुन्धरामा दुईवटा अत्याधुनिक ईभी डेडिकेटेड सर्भिस सेन्टर सञ्चालन गर्न लागेको बताएको छ।

ग्राहकलाई अझ राम्रो सेवा दिन र आफ्टर सेल्स सर्भिसलाई अझ सशक्त बनाउन शहरका प्रमुख स्थानमा नयाँ सर्भिस सेन्टर सञ्चालन गर्न लागिएको हो । यी सर्भिस सेन्टरले एमएडब्लुका ग्राहकलाई अझै सहज, छिटो र विशेषज्ञस्तरको सेवा प्रदान गर्ने लक्ष्य राखेको कम्पनीले जनाएको छ ।

यी सर्भिस सेन्टर एमएडब्लु बृद्धिले बिक्री गर्ने दिपाल, डोङफेङ र सेरेस ब्रान्डका विद्युतीय सवारी साधनका लागि मात्र समर्पित हुने बताइएको छ ।

कम्पनीका अनुसार, सर्भिस सेन्टरमा २५ वटा विशेष सर्भिस वेहरू रहनेछन्, जसले धेरै संख्याका गाडीलाई एकैपटक सजिलो, सुक्ष्म र दक्ष रूपमा मर्मत गर्न सक्ने क्षमता राख्नेछ ।

यस विस्तारसँगै एमएडब्लु वृद्धिको ईभी सर्भिस सेन्टरको संख्या तीन पुग्नेछ । आफ्टर सेल्स सर्भिस र ग्राहकको विश्वासमा निरन्तर ध्यान दिँदै आएको एमएडब्लु वृद्धिले यसका माध्यमबाट ग्राहक सन्तुष्टि र दीर्घकालीन सेवा सम्बन्धि प्रतिबद्धतालाई अझ मजबुत बनाउने प्रयास गरिरहेको कम्पनीले जनाएको छ ।

नयाँ सर्भिस सेन्टरहरू आगामी ३ देखि ५ महिनाभित्र पूर्ण रूपमा सञ्चालनमा आउने अपेक्षा गरिएको छ । जसले नेपालको ईभी सेवा क्षेत्रमा नयाँ बेन्चमार्क स्थापित गर्नेछ ।