नेप्से परिसूचकमा २२.२५ अंकको गिरावट

काठमाडौं । साताको दोस्रो कारोबारको दिन सोमबार सेयर बजारमा गिरावट आएको छ । उक्त दिन बजार २२.२५ अंकले घटेर २६८४.०१ को विन्दुमा कायम भएको हो । आज नेप्सेमा कारोबार भएको ३११ कम्पनीको १ करोड ९४ लाख १५ हजार ६८८ कित्ता सेयर किनबेच हुँदा ८ अर्ब ३७ करोड ७३ लाख २७ हजार रुपैयाँको कारोबार भएको छ ।

यस दिन माथिल्लो मैलुङ्ग खोला जलविद्युत कम्पनीको सेयरमूल्य सर्वाधिक ६.५६ प्रतिशत बढेको छ। राप्ती हाइड्रो एण्ड जनरल कन्स्ट्रक्सनको सेयरमूल्य यस दिन सर्वाधिक घटेको छ। यस दिन नेपाल रिइन्स्योरेन्स कम्पनीको सेयर सर्वाधिक कारोबार भएको छ । आज कम्पनीको ८० करोड ७० लाख ५६ हजार रुपैँया बराबरको कारोबार भएको छ।