आजदेखि नियुक्त हुने स्थायी कर्मचारीले पेन्सन नपाउने

काठमाडौं । आजदेखि नियुक्त हुने स्थायी सरकारी कर्मचारीहरूलाई पेन्सन नदिने व्यवस्था कार्यान्वयनमा आएको छ। आर्थिक वर्ष २०८२/८३ को बजेटमार्फत ल्याइएको यो नीतिअनुसार अब नयाँ कर्मचारीहरूले पेन्सनको सट्टा योगदानमा आधारित सामाजिक सुरक्षा प्रणालीमा समावेश हुनुपर्नेछ।

यो व्यवस्था आजपछि मात्र नियुक्त हुने कर्मचारीमा लागू हुनेछ, पहिले नियुक्त भइसकेकाले भने पुरानै पेन्सन सुविधा पाउनेछन्। अर्थ मन्त्रालयले सबै मन्त्रालय, नियामक निकाय, सार्वजनिक संस्थान तथा समितिहरूलाई आवश्यक परिपत्र गर्दै नयाँ प्रणाली लागू गर्न निर्देशन दिइसकेको छ। साथै, योगदान प्रणालीमा सहभागी नहुने संस्थाबाट उत्पन्न दायित्व नेपाल सरकारले नबेहोर्ने स्पष्ट गरिएको छ।