छक्कापञ्जा युएसए टुर-२०२५ मा दिपक-दिपा र जीतु नेपाल पनि सहभागी हुने

काठमाडौं । आत्रेय प्रोडक्सन हाउस र ग्लोबल इभेन्ट्सको संयुक्त प्रस्तुतीमा ‘छक्का पन्जा- युएसए कमेडी टुर २०२५’ को आयोजना हुने भएको छ।

आइतबार काठमान्डौमा आयोजित एक प्रेस भेटघाट कार्यक्रमको बीचमा उक्त कार्यक्रमको औपचारिक घोषणा गरियो।

नेपालबाट यो कार्यक्रमको समायोजन कोरेभेक्स सोलुसनको तर्फबाट हर्षित घिमिरेले गरिरहेका छन्। अमेरिकामा भने सुदिप आत्रेय र सुमन अधिकारिले गरिरहेका छन्।

सेप्टेम्बर १९ बाट बाल्टिमोरबाट सुरुवात हुने कार्यक्रम विभिन्न १५ स्थानमा हुनेछ। सेप्टेम्बर २० मा कोलाबस , २१ मा एक्रोन, २७ मा टेक्सास (डालस) मा कार्यक्रम आयोजना हुँदैछ।

हरेक बर्ष हुने डालस मोमो फेस्टिभलमा यो बर्ष करिव १५ हजार दर्शकको उपस्थिति हुने अपेक्षा गरिएको छ।  केहि कार्यक्रमका मितिहरु सार्वजनिक गरिएको छैन।

यो कमेडी टुरमा छक्का पन्जा टिमको तर्फबाट दिपकराज गिरि, दिपाश्री निरौला र जितू नेपाल सहभागी हुनेछन्।।  त्यस्तै कलाकार तथा होस्ट आसिफ शाह, गायिका मिना पोख्रेल र धर्मेन्द्र सेवान पनि यो टुरमा सहभागी हुदैछन्।

केहि समय अगाडी मात्र आत्रेय प्रोडक्सन हाउसले प्रकाश सपुतसहितको बिशेष सांगीतिक कार्यक्रम सम्पन्न गरेको थियो।

नेपाली चलचित्रको अमेरिका वितरण तथा म्युजिक भिडीयो निर्माणमा पनि सक्रिय रहेको कम्पनीले यो पटकको यात्रालाई झन् बिशेष बनाउने तयारी गरिरहेको छ।

करिव १५ बर्षपछि अमेरिका जना लागेका दिपक उत्साहित सुनिए।

दिपक भन्छन्, ‘अमेरिकाका हरेक शहरमा हाम्रा चलचित्र हेर्ने दर्शक हुनुहुन्छ।  हरेक बर्षको दशैँमा हाम्रा चलचित्र दर्शकले हेर्नुहुन्थ्यो।  यो पटक हाम्रो चलचित्र रिलिज छैन त्यहि भएर दर्शक भेट्न र उहाँहरुलाई धन्यवाद दिन र छक्का पन्जाको प्रत्यक्ष मज्जा दिनको लागी हामी यो यात्रामा सहभागी हुदैछौ। ‘

निर्देशक तथा कलाकार दिपाश्री निरौला भने उत्साहित सँगै केही नर्भस सुनिएकी थिइन्।

दिपा भन्छिन्,’ धेरै बर्ष भयो स्टेजमा प्रस्तुती नगरेको सोहि कारण केहि नर्भस छु तर दर्शकलाई भेट्न र उहाहरुसँगै यो बर्षको दशैँ मनाउन उत्साहित छु। ‘

अभिनेता जीतु नेपालको उत्साह प्रष्ट सुनिएको थियो।  ‘यो पटकको दशैँमा छक्का पन्जा कमेडी टुर हुँदैछ।  दर्शकसंगै प्रत्यक्ष भेट्न, दशैँ मनाउन र हाम्रो प्रस्तुतिमा रमाउन उत्साहित छु। ‘

नेपालबाट यो कार्यक्रमको समायोजन कोरेभेक्स सोलुसनको तर्फबाट हर्षित घिमिरेले गरिरहेका छन्।  अमेरिकामा भने सुदिप आत्रेय र सुमन अधिकारिले गरिरहेका छन्।