चार महिनामा वीरगञ्ज नाकाबाट ३३ अर्ब बढीको निर्यात

काठमाडौं । चालु आर्थिक वर्षको पहिलो चार महिनामा वीरगञ्ज नाका हुँदै ३३ अर्ब २१ करोड रुपैयाँ बराबरका उत्पादन निर्यात भएका छन्। यो अघिल्लो आर्थिक वर्षको समान अवधिमा भएका १३ अर्ब ६४ करोड रुपैयाँ बराबरको निर्यातभन्दा दोब्बरभन्दा बढी हो।

वीरगञ्ज भन्सारका प्रमुख विष्णुप्रसाद ज्ञवालीका अनुसार निर्यातमा भटमासको तेल अग्रस्थानमा रह्यो, जसको मूल्य १७ अर्ब ३२ करोड रुपैयाँ पुगेको छ। त्यसपछि दुई अर्ब ६० करोड रुपैयाँ बराबरको फलफूलको जुस निर्यात भएको छ।

भन्सार कार्यालयका अनुसार अन्य कृषि तथा प्रसोधन गरिएको खाद्यान्न वस्तुको निर्यात पनि उल्लेख्य रूपमा बढेको छ।