मतदानका दिन कस्ता सवारीचालकले मात्रै पाउँछन सवारी पास ?

काठमाडौँ । निर्वाचन आयोगले प्रतिनिधिसभा निर्वाचनका दिन अत्यावश्यक सेवामा प्रयोग हुने सवारीसाधनलाई पास आवश्यक नपर्ने व्यवस्था गरेको छ । खानेपानी,दूध,फलफुल,तरकारी,माछा मासु ढुवानी गर्ने सवारीसाधनलाई बिना अवरोध सञ्चालन गर्न दिइने आयोगले जनाएको छ ।

दमकल,एम्बुलेनस,शववाहन तथा पे्रटोलियम पदार्थ बोकेका सवारीसाधनलाई पनि पास नलिई चल्न दिइने व्यवस्था गरिएको छ । दूरसञ्चार,विदुयुत् ढल मर्मत सम्भारका सवारी तथा अस्पतालका चिकित्सक र स्वास्थ्यकर्मी ओसारपसार गर्ने सवारीलाई समेत सहज आवागमनको अनुमति दिइएको छ ।

हवाई यात्रु,गर्भवती,सुत्केरी,अशक्त,जेष्ठ नागरिक र उनीहरुका सहयोगी बोकेका सवारीसाधन तथा कूटनीतिक नियोग,पर्यवेक्षक मानवअधिकार अनुगमन र प्रेस पास भएका सञ्चारमाध्यमका सवारीलाई पनि निर्वाध सञ्चालनको व्यस्था गरिएको छ ।

यसैबीच,सवारी पास जारी गर्न निर्वाचन आयोग परिसरमा एकीकृत डेस्क स्थापना गरिएको छ,जहाँ काठमाडौँ,भक्तपुर र सेवागाहिलाई पाससम्बन्धि सेवा उपलब्ध गराउँदै आएको आयोगले जनाएको छ ।