संयुक्त आक्रमणको प्रभाव: एरानका १३१ सहरमा क्षति,५५५ जनाको मृत्यु

काठमाडौँ । मध्यपुर्वमा जारी अमेरिका इजरायल र इरानबीचको सैन्य द्धन्द्धले व्यापक मानवीय क्षति पुर्याएको छ । रेड क्रिसेन्ट सोसाइटीका अनुसार संयुक्त हवाई आक्रमणमा इरानमा कम्तीमा ५५५ जनाको मृत्यु भएको छ भने १३१ सहर प्रभावित भएका छन् । नौ अस्पतालमा गम्भीर क्षति पुगेको इरानी सांसदहरुले बताएका छन् ।

इजरायलमा पनि १० जनाको मृत्यु र २०० भन्दा बढी घाइते भएको विवरण छ । लेबनानमा ३१ जनाले ज्यान गुमाएका छन् ।

यसैबीच इराकमा इरान समर्थित समूहका चार सदस्य मारिएका छन् भने युएईमा तीन जनाको मृत्यु भएको छ । कुवेतमा तीन अमेरिकी सैनिक मारिएका छन् भने बहराइनमा क्षेप्यास्त्र अवशेषबाट भएको आगलागीमा एक जनाको ज्याान गएको छ ।