शिक्षामन्त्री पोखरेलको योजनाः विद्यालय पाठ्यक्रममा खेलकुद अनिवार्य गर्ने प्रयास

काठमाडौँ । शिक्षा ,विज्ञान,तथा खेलकुखद मन्त्री सस्मित पोखरेलले नेपालका विद्यालय पाठ्यक्रममा खेलकुद समावेश गर्ने योजना अघि सारेका छन् । राष्ट्रिय खेलकुद परिषदको निरिक्षणका क्रममा उनले आगामी पाँच वर्षभित्र ग्रारुट स्तरबाटै खेलाडी उत्पादन गर्ने लक्ष्य रहेको बताएका छन् ।

मन्त्री पोखरेलले साना उमेरदेखि खेलकुदको प्रशिक्षण नपाउनु नै नेपालको खेलकुद क्षेत्रको मुख्य चुनौती भएको बताएका छन् । काठमाडौँ महानगरपालिकामा सञ्चालनमा भएको रचनात्मक विद्यालय कार्यक्रमको अनुभवलाई आधार बनाएर अब खेलकुदलाई नीतिगत र कानुनी रुपमा शिक्षासँग जोड्ने योजना अघि बढाउने उनको भनाइ रहेको थियो

उनका अनुसार खेलकुदलाई शारीरिक र मानसिक स्वास्थ्यमा सकारात्मक प्रभाव पार्छ । यदि सानो उमेरदेखि उचित प्रशिक्षण र डाइट सुनिश्चित गर्न सकियो भने खेलाडी उत्पादन द्रुत हुनेछ । मन्त्री पोखरेलले पाठुयक्रम विकास केन्द्रसँग सहकार्य गरी विद्यालय पाठ्यक्रमसँगै खेलकुद समावेश गर्न सबै सरोकारवालालाई सहयोग गर्न आग्रह गरे ।