रोकिएको मतदाता नामावलि अद्यावधिक कार्यक्रम आइतबारदेखि पुनःसूरु

काठमाडौँ । रोकिएको मतदाता नामावली सूंकलन तथा अद्यावधिक कार्यक्रम फेरि सुरु हुने भएको छ । निर्वान आयोगले आइतबारदेखि देशभर यो प्रक्रिया पुनःसञ्चालनमा ल्याउने निर्णय गरेको जनाएको छ,जसअनुसार अब नागरिकहरुले पुनः नाम दर्ता गर्न सक्नेछन् ।

आयोगका अनुसार राष्ट्रिय परिचयपत्र प्राप्त गरिसकेका नेपालीहरुले अनलाइन प्रणालीमार्फत आफ्ना विवरण प्रविष्ट गरी सहज रुपमा नामावलीमा समावेश हुन सक्नेछन् । यसले प्रक्रियालाई छिटो र व्यवस्थित बनाउने अपेक्षा गरिएको छ ।

त्यस्तै गरी परिचयपत्र नलिएका व्यक्तिहरुले ‘प्रि-इन्नोलमेन्ट’ प्रणली प्रयोग गरेर अनलाइन फारम भरेर फोटो तथा औँठाछापसहितका विवरण उपलब्ध गराउनुपर्नेछ भने प्रदेश र जिल्ला निर्वाचन कार्यालयबाट समेत नाम दर्ता सेवा लिन सकिने व्यवस्था गरिएको छ ।