डिजेल र पेट्रोल गाडीलाई विद्युतिय बनाउने सरकारको तयारी

काठमाडौँ । सरकारले विद्युतिय सवारी प्रवद्र्धनका लागि नयाँ कानुनी व्यवस्था गर्ने तयारी गरेको छ । अब डिजेल र पेट्रोल चल्ने गाडी विद्युतीय गाडीमा रुपान्तरण गर्न सकिनेछ । मन्त्रीपरिषदले आइतबार निर्णय गरेको सरकारका प्रवक्ता सस्मित पोखरेलले बताए ।

पेट्रोलियम आपूर्तिमा समस्या देखिँदा सरकारी कार्यालय र शैक्षिक संस्थामा हप्तामा दुई दिन (शनिबार र आइतबार ) बिदा दिने निर्णय पनि भएको छ । सरकारले स्वदेशमै उत्पादित स्वच्छ उर्जा प्रयोग र प्रदुषण घटाउने लक्ष्यसहित विद्युतिय सवारी प्रवर्धन गर्दै आएको छ ।

भन्सार विभागका अनुसार चालु आर्थीक वर्षको साउन फागुनमा ६ हजार ३ सय ९६ विद्युतिय सवारी आयात भएका छन्, जसको मूल्य १४ अर्ब ९५ करोड ७७ लाख रुपैँया छ ।