आईटी कम्पनी र डलर आम्दानीकर्तालाई अब ५ हजार डलरसम्म प्रिपेड कार्ड सुविधा

काठमाडौँ । नेपालको प्रविधि क्षेत्रलाई सहयोग पुर्याउने उद्धेश्यले नेपाल राष्ट्र बैकले विदेशी मुद्रासम्बन्धी व्यवस्था परिमार्जन गरको छ । नयाँ नियमले सूचना प्रविधि र सञ्चार क्षेत्रमा काम गर्ने कम्पनीहरुलाई अन्तराष्ट्रिय अनलाइन सेवा सफ्टवेयर खरिद गर्न सहज बनाउने लक्ष्य राखेको छ ।

संशोधित प्रावधानअनुसार यस्ता उद्योगहरुले बैँक तथा वित्तिय संस्थामार्फत वार्षिक अधिकतम ३ हजार अमेरिकी डलरसम्मको प्रिपेड कार्ड प्रयोग गर्न पाउँनेछन् । यसले डिजिटल उपकरण,क्लाउड सेवा तथा अन्य आवश्यक प्राविधिक सेवाहरु खरिद गर्दा देखिने जटिलता कम गर्ने अपेक्षा गरिएको छ ।

त्यस्तैगरी विदेशी बजारमा सेवा निर्यात गरी आम्दानी गर्ने कम्पनीहरुलाई थप साहुलियत दिइएको छ । यस्ता व्यवसायहरुले आफ्नो विदेशी मुद्रा आम्दानीको आधारमा वार्षिक ५ हजार अमेरिकी डलरसम्मको सीमा पाउनेछन भने निर्यातमुखि आइटी उद्योगलाई अझ प्रोत्साहन गर्ने विश्वास गरिएको छ ।