आज कारोबार घट्दा सेयर बजारमा सामान्य गिरावट

काठमाडौँ । मंगलबार सेयर बजार सामान्य गिरावट देखिएको छ । अघिल्लो दिन ठूलो अंकले बढेको बजार आज भने हल्का घटेर बन्द भएको छ । कारोबारपछि नेप्से परिसुचक २७५७ अंकमा कायम रह्यो ।

दिनको सुरुवात सकारात्मक भए्रपनि केही समयपछि बजारमा दबाब देखियो । सूरुमा सूचक बढेर २७९२ अंकमा पुगेको थियो, तर मध्यान्हपछि क्रमशः घट्दै गयो आज कारोबार रकम पनि घटेको छ । अघिल्ला दिनको तुलनामा कम किनबेच हुदैँ करिब ६ अर्ब ७३ करोड रुपैँया बराबरको मात्र कारोबार भएको देखिएको छ ।

बजारमा अधिकांश सेयर कम्पनीको सेयर मूल्य घटेको छ । ८२ कम्पनी बढ्दा १७५ घटे भने १२ कम्पनी स्थिर रहे । समूहगत रुपमा होटल तथा पर्यटनमा वृद्धि भए पनि धेरै समूहमा गिरावट आएको छ ।