१३ अंकले ओरालो लागेको सेयर बजारमा ४ कम्पनीको शेयर भने १५ प्रतिशतले उक्लियो

काठमाडौँ । साताको पहिलो दिन सोमबार नेप्से इन्डेक्स नेपाल १३.१७ अंकले घटेर २८२५ बिन्दुमा झरेको छ । बजार खुल्नेबित्तिकै केही समय उकालो लागेर २८४५ विन्दुसम्म पुगे पनि त्यसपछि निरन्तर दबाबमा देखियो ।

कारोबार रकम पनि घट्दैै ७ अर्ब ४६ करोड बाट ५ अर्ब ४३ करोडमा सिमित भयो । आज ६५ कम्पनीले मूल्य बढ्दा १९७ कम्पनीको घटेको छ भने ६ कम्पनी स्थिर रहनुका साथै जसले बजारमा कमजोर मनोबल देखाएको छ ।

समूहगत रुपमा होटल तथा पर्यटनबाहेक सबै क्षेत्र ओरालो लागेका छन् । बैँकिंग,फाइनान्स,बिमा,हाइड्रोपावरलगायत सूचकहरु घटेपनि गिरावट दर १ प्रतिशतभित्रै सीमित रहेका छन् ।

नयाँ १५ प्रतिशत उतारचढाव नियम लागू भएसँगै सूर्यकुण्ड हाइड्रो,होटल फरेस्ट इन,पाल्पा सिमेन्ट र शिखर पावरको सेयर मूल्य तीव्र बढेको छ । तर दोल्ती पावर र एसियन हाइड्रोपावर गिरावट देखिँदा समग्र बजार भने दबाबमै रह्यो ।