कारोबार ५ अर्ब ७७ करोड नाघ्दा नेप्सेमा १७.९१ अंकको गिरावट

काठमाडौँ । मंगलबार सेयर बजार दबाबमा देखिएको छ । नेपाल स्टक एक्सचेन्ज (नेप्से) परिसूचक १७.९१ अंकले ओरालो लाग्दै २८०७.३१ सीमित भएको हो ।

आज बजारमा उल्लेख्य कारोबार भए पनि सूचक भने घट्दो प्रवृतिमा रह्यो । कुल ३४७ कम्पनीका करिब १ करोड ३० लाख बढी कित्ता सेयर किनबेच हुँदा झण्डै ५ अर्ब ७७ करोड रुपैँया बराबरको कारोबार भएको देखिन्छ ।

उपसूचकतर्फ अधिकांस क्षेत्रमा गिरावट रहेको छ । १२ वटा समूहका सूचक घट्दा लगानीकर्ताको मनोबल कमजोर देखिएको छ । त्यस्तै गरी होटल तथा पर्यटन क्षेत्र भने अपवादका रुपमा उभिएको छ भने जहाँ करिब १.१६ प्रतिशतको वृद्धि देखिएको छ ।

फाइनान्स समूहमा करिब १.०९ प्रतिशत र जलविद्युत (हाइड्रोपावर) क्षेत्रमा झण्डै १.२३ प्रतिशतको गिरावट आएको छ । समग्र बजारमा बिक्री दबाब बढेसँगै अधिकांस समूहका सूचकहरु राताम्य बनेका छन् ।