सीजी चेष्ट फ्रिजर : २८ मोडल र ५ वर्ष वारेन्टीसहित नेपाली बजारमा अग्रणी रोजाइ

काठमाडौं । नेपालका लागि इलेक्ट्रोनिक्स तथा होम एप्लायन्स उत्पादन गर्दै आएको ब्रान्ड सीजीले नेपाली बजारमा विभिन्न क्षमताका चेष्ट फ्रिजर उपलब्ध गराएको छ । कम्पनीले ११० लिटरसम्म क्षमताका २८ मोडल बजारमा ल्याएको जनाएको छ । कम्पनीका अनुसार चेष्ट फ्रिजरका कम्प्रेसरमा ६० महिना अर्थात् ५ वर्षको वारेन्टी प्रदान गरिएको छ । यसले दीर्घकालीन प्रयोगमा उपभोक्तालाई सहज हुने विश्वास गरिएको छ ।

बढ्दो गर्मीका कारण खाद्य सामग्री सुरक्षित राख्न चुनौती बढिरहेका बेला चेष्ट फ्रिजरको प्रयोग उपयोगी बन्दै गएको कम्पनीको भनाइ छ । सुपर फास्ट फ्रिजिङ प्रविधिमार्फत दुध, दही, मासु तथा तरकारीजस्ता सामग्रीलाई लामो समयसम्म ताजा राख्न सकिने उल्लेख गरिएको छ ।

सीजीका फ्रिजरहरुमा उच्च कुलिङ रिटेन्सन क्षमता रहेको र विद्युत आपुर्ति अवरुद्ध हुँदा पनि केही समयसम्म भित्री चिस्यान कायम रहने कम्पनीले जनाएको छ । त्यस्तै अस्थिर भोल्टेजमा समेत सञ्चालन हुन सक्ने कम्प्रेसर प्रयोग गरिएको बताइएको छ ।

कम्पनीले ग्राहकलाई किस्ताबन्दी सुबिधा पनि उपलब्ध गराएको जनाएको छ । नागरिकता पेश गरी शुन्य प्रतिशत ब्याजदरमा मासिक किस्तामा फ्रिजर खरिद गर्न सकिने व्यवस्था गरिएको छ ।

देशभर रहेका २१ वटा सीजी डिजिटल शोरुम, आधिकारीक बिक्रेता सञ्जाल तथा अनलाइन प्लेटफर्ममार्फत उत्पादन उपलब्ध रहेको कम्पनीले जनाएको छ । बिक्रीपछिको सेवाका लागि ४० भन्दा बढी सेवा केन्द्र सञ्चालनमा रहेको जानकारी दिइएको छ ।

कम्पनीका एक अधिकारीले नेपाली व्यवसायी तथा घरधुरीको आवश्यकतालाई ध्यानमा राखेर उत्पादन विकास गसिएको बताए । उनले उपभोक्ताको जीवनस्तर उकास्ने लक्ष्यसहित सेवा विस्तार गरिँदै आएको पनि उल्लेख गरे ।