रेडपाण्डाको छाला सहित पक्राउ

संरक्षित वन्यजन्तुको सूचीमा सूचीकृत रेडपाण्डाको छाला सहित सोलुखुम्बु टाक्सिन्दु गाविस–१ बस्ने २० बर्षीय नविन राईलाई प्रहरीले पक्राउ गरेको छ ।
नेपाल प्रहरीको केन्द्रीय अनुसन्धान व्यूरोबाट खटिएको प्रहरी टोलीले शुक्रबार उनलाई बुढानिलकण्ठ नगरपालिका–१४ कपनबाट १ थान संरक्षित वन्यजन्तु रेडपाण्डाको छाला सहित पक्राउ गरेको हो ।
राईलाई प्रहरीले थप अनुसन्धान एवं आवश्यक कानूनी कारवाहीको लागि जिल्ला वन कार्यालय काठमाडौंमा बुझाएको नेपाल प्रहरीले जानकारी केन्द्रलाइ बताएको  छ ।