सुनचाँदीको मूल्यमा सामान्य गिरावट, कतिमा हुँदैछ कारोबार ?

काठमाडौं । नेपाली बजारमा सुनको मूल्यमा सामान्य गिरावट आएको छ। नेपाल सुनचाँदी व्यवसायी महासंघका अनुसार शुक्रबारको तुलनामा आइतबार सुनको मूल्यमा ४ सय रुपैयाँले कमी आएको हो। शुक्रबार प्रतितोला दुई लाख ९० हजार ७०० रुपैयाँमा कारोबार भएको सुनको मूल्य आइतबार घटेर दुई लाख ९० हजार ३ सय रुपैयाँ कायम भएको छ।

त्यस्तै, चाँदीको मूल्यमा पनि सामान्य गिरावट देखिएको छ। शुक्रबार चार हजार ६ सय १५ रुपैयाँमा कारोबार भएको चाँदी आइतबार तोलामा १० रुपैयाँले घटेर चार हजार ६ सय ५ रुपैयाँमा कारोबार भइरहेको महासंघले जनाएको छ।