नेप्से परिसूचक २६.२९ अंकको गिरावट

काठमाडौं । नेपाल स्टक एक्सचेञ्ज (नेप्से) परिसूचक सोमबार २६.२९ अंकले घटेर २६२७.११ बिन्दुमा झरेको छ। बजारमा अधिकांश कम्पनीको शेयर मूल्य घट्दा समग्र परिसूचक ओरालो लागेको हो।

आज ३५६ कम्पनीका ७५ लाख ४० हजार कित्ता शेयर किनबेच हुँदा कुल ३ अर्ब ५५ करोड ७९ लाख रुपैयाँ बराबरको कारोबार भएको नेपाल स्टक एक्सचेञ्जले जनाएको छ। कारोबारका क्रममा सबै १३ वटै उपसूचक राताम्य भएका छन्। वाणिज्य बैंक समूहको उपसूचक १.०६ प्रतिशतले घट्दा विकास बैंक समूह ०.३० प्रतिशत र फाइनान्स समूह १.२४ प्रतिशतले ओरालो लागेको छ।

समग्र बजारमा बिक्री दबाब बढेसँगै सबै उपसूचकमा गिरावट देखिएको हो। कारोबार रकम भने साढे ३ अर्ब रुपैयाँभन्दा माथि कायम रहेकाले बजारमा किनबेचको सक्रियता निरन्तर रहेको देखिएको छ।