सुनको मूल्यमा सामान्य गिरावट, चाँदी भने बढ्यो

काठमाडौं । मंगलबार सुनको मूल्य सामान्य घटेको छ । नेपाल सुनचाँदी व्यवसायी महासंघका अनुसार सुनको मूल्य प्रतितोला २ सय रुपैयाँ घटेको छ भने चाँदी ३० रुपैयाँ बढेको छ ।

सुनको मूल्य प्रतितोला २ लाख ८३ हजार ८ सय रुपैयाँमा कारोबार भईरहेको महासंघले जनाएको छ । सोमबार सुनको मूल्य प्रतितोला २ लाख ८४ हजार रुपैयाँमा कारोबार भएको थियो ।

सोमबार चाँदीको मूल्य ४ हजार ३ सय ५० रुपैयाँमा कारोबार भएको थियो भने आज ३० रुपैयाँ बढेर महासंघका अनुसार ४ हजार ३ सय ८० रुपैयाँमा कारोबार भईरहेको छ ।