मोर्चाको मोटरसाईकल र्यालि ९ तस्वीरमा

रबिन्द्र यादव र परासी, ९ चैत्र ।

संयुक्त लोकतान्त्रिक मधेशी मोर्चा नवलपरासीले स्थानिय चुनाव बहिष्कार अभियान अन्तर्गत आज परासीमा वृहद मोटरसाईकल र्याली निकालेको छ । मोर्चाले सिमावर्ति क्षेत्र महेसपुरबाट करिब हजार मोटरसाईकलको संख्यामा निकालेको र्याली बेलासपुर, उजैनी, मन्झरिया हुदै सदरमुकाम परासीको जिल्ला प्रशासन कार्यालय अगाडी विरोध प्रदर्शन गरेको थियो । प्रशर्दन पश्चात पुनः र्याली हुलाकी मार्ग हुदै जहदा, गोपी गंज, बेलाटारी भएर सुर्यपुरा स्थित कोणसभामा परिणत भएको थियो ।

कोणसभामा बोल्ने वक्ताहरुले संसदमा विचाराधिन संविधान संशोधन विधयेक पास नभएसम्म कुनै हालतमा पनि स्थानिय तहको निर्वाचनमा सहभागि नहुने बताएका थिए । निकालिएको र्यालीमा चुनाव बहिष्कार गराैं भन्ने नारा लगाएका थिए ।