अन्तिम किकमा गोल गर्दै अल्जेरिया अफ्रिकी कपको फाइनलमा

खेलको अन्तिम किक थियो त्यो । इन्जुरी समयको अन्तिम मिनेटमा अल्जेरियाले फ्रि किक पाएको थियो । मेन्चेष्टर सिटीका अग्रपंक्तिका खेलाडी रिसाद महरेजले कुनै गल्ती नगरी सानदार गोल गरे ।

इजिप्टमा नेपाली समय अनुसार ३० असारको विहान थप समयमा जान लागेको खेलको निर्णायक गोल गर्दै अल्जेरियालाई महरेजले को फाइनलमा पुर्याए । खेलमा शुरुवाती अग्रता अल्जेरियाले लिएपनि पेनाल्टीमार्फत् नाइजेरियाले बराबरी गोल गरेको थियो ।

दुवै टोलीले समान स्तरको खेल खेलेपनि अल्जेरियाले बाजी मार्यो । अब उसले सेनेगलसँग फाइनल खेल्नेछ । सेनेगलले ट्युनिसियामाथि १-० को जित हासिल गर्दै फाइनलको यात्रा तय गरेको हो ।

ट्युनिसियाको हारको कारण आत्मघाती गोल कारण बन्यो । खेलको १०० औं मिनेटमा ट्युनिसियाका ब्रोनले आत्मघाती गोल गरेका थिए । Photo: The Guardian